തൃശ്ശൂര്: സഹോദരിയുടെ വിവാഹത്തിന് അഞ്ചു ദിവസം മുന്പ് സഹോദരന് വീട്ടില് തൂങ്ങിമരിച്ചു.
വിവാഹം നടത്താന് ലഭിക്കുമെന്ന് പ്രതീക്ഷിച്ച വായ്പ (Loan) ലഭിക്കില്ലെന്ന് അറിഞ്ഞതോടെയാണ് തൃശ്ശൂര് (Trissur) ഗാന്ധിനഗര് കുണ്ടുവാറയില് പച്ചാലപ്പൂട്ട് വീട്ടില് വിപിന് (25) ആത്മഹത്യ ചെയ്തത്.
വിവാഹത്തിന് (Marriage) ആഭരണങ്ങളെടുക്കാന് അമ്മയെയും സഹോദരിയെയും സ്വര്ണ്ണക്കടയില് ഇരുത്തിയ ശേഷമാണ് വിപിന് വീട്ടിലെത്തി തൂങ്ങിമരിച്ചത്.
സഹോദരിയുടെ വിവാഹാവശ്യങ്ങള്ക്കായി ബാങ്കില്നിന്ന് വായ്പ തേടിയിരുന്നു. മൂന്നുസെന്റ് ഭൂമി മാത്രമേയുള്ളൂവെന്നതിനാല് എവിടെനിന്നും വായ്പ കിട്ടിയില്ല.
തുടര്ന്ന്, പുതുതലമുറ ബാങ്കില്നിന്ന് വായ്പയ്ക്ക് അപേക്ഷിച്ചിരുന്നു. കഴിഞ്ഞദിവസം വായ്പ നല്കാമെന്ന് ബാങ്ക് അറിയിപ്പിനെത്തുടര്ന്ന് വിവാഹത്തിന് സ്വര്ണമെടുക്കാനായി അമ്മയെയും സഹോദരിയെയും കൂട്ടി സ്വര്ണ്ണക്കടയില് എത്തി.
