ആളുകള്‍ നിരത്തിലിറങ്ങുന്നത് കുറഞ്ഞു. വ്യാപനത്തില്‍ ശുഭകരമായ കുറവുണ്ട്. ജനങ്ങളുടെ ജാഗ്രത നേട്ടമായി. രോഗവ്യാപനം ഏറ്റവും കുറഞ്ഞത് വയനാട് ജില്ലയിലാണ്. മലപ്പുറം, തിരുവനന്തപുരം, പാലക്കാട്, ജില്ലകളില്‍ രോഗവ്യാപനമുണ്ടെന്നും മുഖ്യമന്ത്രി പറഞ്ഞു.
സംസ്ഥാനത്ത് 18നും 45നും ഇടയില്‍ പ്രായമുള്ളവര്‍ക്ക് കുത്തിവയ്പ്പ് ആരംഭിച്ചുവെന്നും മുഖ്യമന്ത്രി വ്യക്തമാക്കി. കോവിഡ് ബാധിച്ചാല്‍ ഗുരുതര രോഗമുള്ളവര്‍ക്ക് മുന്‍ഗണന ലഭിക്കും. ഓണ്‍ലൈനില്‍ രജിസ്റ്റര്‍ ചെയ്തവര്‍ക്ക് മാത്രമാണ് വാക്‌സിന്‍ നൽകുകയുള്ളു. സംസ്ഥാനം മൂന്ന് കോടി ഡോസ് വാങ്ങുമെന്നും അദ്ദേഹം പറഞ്ഞു.
