ദുബായ്: സമാനതകളില്ലാത്ത സഹജീവി സ്നേഹവും അതിരുകളില്ലാത്ത കാരുണ്യ പ്രവർത്തനങ്ങളും കൊണ്ട് എല്ലാവർക്കും മാതൃക സൃഷ്ടിച്ച കറാമ കാരുണ്യത്തിന്റെ കവാടമാണെന്ന് കാസർകോട് പ്രസ് ക്ലബ്ബ് പ്രസിഡണ്ടും ഉത്തരദേശം ന്യൂസ് എഡിറ്ററുമായ ടി.എ. ഷാഫി പറഞ്ഞു.
കറാമയിലെ കാസർകോടൻ കൂട്ടായ്മ കാലിക്കറ്റ് പാരഗണിൽ നൽകിയ സ്വീകരണത്തിൽ സംസാരിക്കുകയായിരുന്നു അദ്ദേഹം.
കറാമയിലെ കാസർകോടൻ സൗഹൃദ കൂട്ടായ്മ നടത്തിവരുന്ന ജീവകാരുണ്യ പ്രവർത്തനങ്ങൾ ഏറെ പ്രശംസനീയമാണെന്നും തക്ക സമയങ്ങളിൽ ഇടപെട്ട് നാടിന്റെ തേങ്ങലുകൾ അടക്കുന്നതിൽ കറാമയിലെ സുമനസുകൾ നടത്തിവരുന്ന സേവനം അതിരറ്റതാണെന്നും ടി.എ. ഷാഫി കൂട്ടിച്ചേർത്തു.
സാമൂഹ്യ പ്രവർത്തകനും ഗൾഫ് വ്യവസായിയുമായ യഹ് യ തളങ്കര ഉൽഘാടനം ചെയ്തു. മുജീബ് മാമു ഖാസിലേൻ അധ്യക്ഷത വഹിച്ചു. ഹനീഫ് കട്ടക്കാൽ സ്വാഗതം പറഞ്ഞു.
കേരള ഫുട്ബോൾ അസോസിയേഷൻ മുൻ എക്സിക്യുട്ടീവ് കമ്മിറ്റി അംഗം കെ.എം. ഹാരിസ്, ഇബ്രാഹിം ബാങ്കോട് എന്നിവർക്കും സ്വീകരണം നൽകി.
സി.എ അബൂബക്കർ ചെങ്കളം, ഹനീഫ് ടി.ആർ, സമീർ ചെങ്കളം, കെ.എം. ഹാരിസ്, ഫൈസൽ പട്ടേൽ, ഇബ്രാഹിം ബാങ്കോട്, തൽഹത്ത് തളങ്കര, ശ്രീരാജ് കാസർകോട് . സത്താർ കറാമ , നാസി ചൂരി, സാഹി ചൂരി, നൗഷാദ് അബ്ക. അർഷാദ് തായലങ്ങാടി, സെപ്പി പൊവ്വൽ, സിയാ കറാമ, റാഷി പൊവ്വൽ, സിയാദ് ചൂരി, ഷുഹൈബ് അപ്പോളോ, ഷഹബാസ്, മഹിനാസ് തുടങ്ങിയവർ സംസാരിച്ചു.
സാദിഖ് മാമു ഖാസിലേൻ നന്ദി പറഞ്ഞു. ശ്രീരാജ്, സാഗർ എന്നിവരുടെ നേതൃത്വത്തിൽ ഗാനങ്ങളും അരങ്ങേറി.
