തിരുവനന്തപുരം: സംസ്ഥാനത്ത് ബുധനാഴ്ച്ചയും ശക്തമായ മഴ തുടര്ന്നേക്കും. കാറ്റിനും കടലാക്രമണത്തിനും സാധ്യതയുണ്ട്. ചൊവ്വാഴ്ച സംസ്ഥാനത്ത് വിവിധ പ്രദേശങ്ങളില് കനത്ത മഴയാണുണ്ടായത്. തെക്കന് കേരളത്തിലേയും വടക്കന് കേരളത്തിലേയും പല സ്ഥലങ്ങളും വെള്ളത്തിനടിയിലായി.
ശനിയാഴ്ച വരെ കനത്ത മഴയ്ക്കും കാറ്റും കടലാക്രമണത്തിനും സാധ്യതയുണ്ടെന്നാണ് മുന്നറിയിപ്പ്. ഇന്ന് ഇടുക്കിയില് യെല്ലോ അലേര്ട്ടാണ്. വെള്ളിയാഴ്ച്ച തിരുവനന്തപുരം, കൊല്ലം ജില്ലകളിലും ശനിയാഴ്ച്ച തിരുവനന്തപുരം, കൊല്ലം, ആലപ്പുഴ, പത്തനംതിട്ട ജില്ലകലിലും ഓറഞ്ച് അലേര്ട്ട് പ്രഖ്യാപിച്ചിട്ടുണ്ട്.
ന്യൂനമര്ദ രൂപീകരണഘട്ടത്തില് കടലാക്രമണം രൂക്ഷമാകാനും തീരാപ്രദേശങ്ങളില് ശക്തമായ കാറ്റടിക്കാനും സാധ്യതയുള്ളതിനാല് തീരദേശ വാസികള് പ്രത്യേക ജാഗ്രത പാലിക്കണം.
