കുറ്റിക്കോല്‍ :കോവിഡ് പോസിറ്റീവായ സ്വകാര്യ ആശുപത്രിയിലെ നഴ്‌സ് വീടിന് സമീപം കുഴഞ്ഞു വീണു.പ്ലാവിലായിലെ യുവതിയാണ് കുഴഞ്ഞു വീണത്.
കോവിഡ് പോസിറ്റീവ് ആയതിനാല്‍ ഇവരെ ആശുപത്രിയില്‍ എത്തിക്കാന്‍ ആരും കൂട്ടാക്കിയില്ല .
വാഹനം കിട്ടാത്തതും തിരിച്ചടിയായി. ഇതിനെത്തുടര്‍ന്ന് സ്ഥലത്തെ യുവാക്കളായ രാധാകൃഷ്ണനും ബിജുവും സമീപത്തെ ഡ്രൈവര്‍മാരെ വിളിച്ചു. എന്നാല്‍ ആരും സ്ഥലത്ത് എത്തിയില്ല. ഇതിനെ തുടര്‍ന്ന്
10 കിലോമീറ്റര്‍ അപ്പുറമുള്ള പള്ളത്തിങ്കാല്‍ പ്രദേശത്തെ ടാക്‌സി ഡ്രൈവര്‍ നിധീഷ് കൊല്ലം പണയെ രാധാകൃഷ്ണന്‍ ബന്ധപ്പെട്ടു .
വിവരം ലഭിച്ച ഉടനെതന്നെ നിധീഷ് സൈലോ വാഹനവുമായി പ്ലാവിലാ യിലേക്ക് കുതിക്കുകയും
കോവിഡ് പോസിറ്റീവായ നേഴ്‌സിനെ ബേഡകം ആശുപത്രിയില്‍ എത്തിക്കുകയും ചെയ്തു. ടാക്‌സി ഡ്രൈവറുടെ നല്ല പ്രവര്‍ത്തിയെ അഭിനന്ദിക്കുകയാണ് നാട്ടുകാര്‍ .
ആശുപത്രിയില്‍ കഴിയുന്ന നഴ്‌സ് സുഖം പ്രാപിച്ചുവരുന്നു
