മൊഗ്രാൽ പുത്തൂർ : പകർച്ചാ വ്യാധികളും മഴക്കാല രോഗങ്ങളും പടർന്നു പിടിക്കുന്ന സാഹചര്യത്തിൽ മൊഗ്രാൽ പുത്തൂർ ടൗണും പരിസരങ്ങളും അണു നശീകരണം നടത്തി എസ്.വൈ.എസ് സാന്ത്വനം പ്രവർത്തകർ.
മൊഗ്രാൽ പുത്തൂർ ജുമുഅ മസ്ജിദ് പരിസരങ്ങളും,ബസ് സ്റ്റോപ്പ്,ബാങ്ക്,കടകൾ തുടങ്ങിയ ആളുകൾ ഒരുമിച്ചു കൂടുന്ന സ്ഥലങ്ങളൊക്കെയും പ്രവർത്തകർ അണു നശീകരണം നടത്തി.
മഴക്കാല പൂർവ്വ ശുചീകരണ ഭാഗമായാണ് സാന്ത്വനം പ്രവർത്തകർ ശുചീകരണ യജ്ഞം നടത്തിയത്.എസ്.എസ്.എഫ് മൊഗ്രാൽ പുത്തൂർ സെക്ടർ പ്രസിഡന്റ് ഫാറൂഖ് ബള്ളൂർ,ജനറൽ സെക്രെട്ടറി ജവാദ് മൊഗ്രാൽ പുത്തൂർ സെക്രെട്ടറിമാരായ നൗഫൽ മൊഗർ,മിസ്ഹബ് കോട്ടക്കുന്ന്,ഫാറൂഖ് മൊഗർ,ഫവാസ് മൊഗർ,മുനീർ ബദർ നഗർ തുടങ്ങിയവർ സാന്ത്വന പ്രവർത്തനങ്ങൾക്ക് നേതൃത്വം നൽകി.
