കോവിഡ് രണ്ടാം തരംഗം രൂക്ഷമായ ഇന്ത്യയ്ക്കു നേരെ സഹായഹസ്തം നീട്ടി ടെക് ഭീമന്‍ ആപ്പിള്‍. ഇന്ത്യയിൽ കോവിഡ് വിനാശകരമായി മുന്നേറുമ്പോൾ ഞങ്ങളുടെ ചിന്തകൾ ആരോഗ്യ പ്രവര്‍ത്തകര്‍ക്കൊപ്പമാണ്. കോവിഡിനെതിരെ പോരാടുന്ന എല്ലാവർക്കും ആപ്പിളിന്‍റെ പിന്തുണയുണ്ടാകും. ഇന്ത്യയ്ക്കായി സഹായങ്ങൾ നൽകുമെന്നും ടിം കുക്ക് ട്വീറ്റ് ചെയ്തു.
അതേസമയം, സഹായം ഉറപ്പാക്കുന്നത് എൻ.ജി.ഒകളിലൂടെയാണോ അതോ നേരിട്ടാണോ എന്ന കാര്യത്തില്‍ കമ്പനി വ്യക്തത വരുത്തിയിട്ടില്ല. ആഗോള ടെക് ഭീമൻമാരായ മൈക്രോസോഫ്റ്റും ഗൂഗിളും കോവിഡില്‍ വലയുന്ന ഇന്ത്യയ്ക്ക് സഹായം നൽകുമെന്ന് നേരത്തെ അറിയിച്ചിരുന്നു. ഇതിനു പിന്നാലെയാണ് സഹായ വാഗ്ധാനവുമായി ആപ്പിളും രംഗത്തെത്തിയിരിക്കുന്നത്.
