Category: പ്രാദേശികം

കാസറഗോഡ് :പാവപ്പെട്ട ഡയാലിസിസ് രോഗികൾക്ക് ഇനി ചികിത്സക്കായി പ്രയാസപ്പെടേണ്ടതില്ല. സൗജന്യ ഡയാലിസിസ് പദ്ധതിയുമായി ജില്ലാ പഞ്ചായത്തിന്റെ നേതൃത്വത്തിൽ ജില്ലയിലെ തദ്ദേശ സ്ഥാപനങ്ങൾ. കിഡ്സ് (കാസർഗോഡ്‌സ് ഇനിഷ്യേറ്റീവ് ഫോർ ഡയാലിസിസ് സപ്പോർട്ട്) എന്ന പേരിലാണ് പദ്ധതി. പട്ടികജാതി, പട്ടികവർഗ, ബിപിഎൽ വിഭാഗത്തിൽപ്പെട്ടവർക്കാണ് ആദ്യഘട്ടത്തിൽ സൗജന്യ സേവനം ലഭ്യമാകുക. രോഗികളുടെ ഡാറ്റ ബാങ്ക് തയ്യാറാകുന്ന മുറക്ക് എ.പി.എൽ വിഭാഗത്തിലെ അർഹരായവർക്കും സേവനം പ്രയോജനപ്പെടുത്താം. ജൂൺ അഞ്ചിന് ഉദ്ഘാടനം ചെയ്യാനുള്ള ലക്ഷ്യത്തോടുകൂടിയാണ് പ്രവർത്തനങ്ങൾ പുരോഗമിക്കുന്നതെന്ന് ജില്ലാ പഞ്ചായത്ത് പ്രസിഡന്റ് ബേബി ബാലകൃഷ്ണനും […]

കുണ്ടംകുഴി: ജിഎച്ച്എസ്എസ് കുണ്ടംകുഴിലെ എസ് പി സി കേഡറ്റുകള്‍ വാക്‌സിന്‍ ചാലഞ്ചിലേക്ക് സമാഹരിച്ച 25,000 രൂപ കാസര്‍കോട് ജില്ലയുടെ ചുമതല കൂടിയുള്ള തുറമുഖ വകുപ്പു മന്ത്രി അഹമ്മദ് ദേവര്‍ കോവിലിനെ ഏല്‍പ്പിച്ചു കാസര്‍കോട് എംപി രാജ് മോഹന്‍ ഉണ്ണിത്താന്‍ എം എല്‍ എ മാരായ സി.എച്ച് കുഞ്ഞമ്പു, എ കെ എം അഷ്‌റഫ്, എന്‍ എ നെല്ലിക്കുന്ന്, ഒ രാജഗോപാല്‍, ജില്ലാ പഞ്ചായത്ത് പ്രസിഡണ്ട് ബേബി ബാലകൃഷ്ണന്‍ എന്നിവരുടെ സാന്നിധ്യത്തിലാണ് തുക കൈമാറിയത്. എസ് പി സി […]

പടന്ന ∙ പേ ഇളകിയ പശു പരിഭ്രാന്തി പരത്തി. ഒടുവിൽ വെള്ളക്കുഴിയിൽ വീണു ചത്തു. വ്യാഴാഴ്ച വൈകിട്ടോടെയാണ് തുടക്കം. അസ്വസ്ഥതയും അക്രമവാസനയും കാട്ടിത്തുടങ്ങിയതോടെ നാട്ടുകാർ ചേർന്ന് ആളൊഴിഞ്ഞ പറമ്പിൽ കെട്ടിയിട്ടു.തൃക്കരിപ്പൂർ നടക്കാവിൽ നിന്നു അഗ്നിരക്ഷാ സേനയും എത്തി.ബന്ധിച്ചിരുന്നതിന്റെ അടുത്തുണ്ടായ വെള്ളക്കുഴിയിൽ വീണ് ഒടുവിൽ ചത്തു. ചത്ത പശുവിനെ പഞ്ചായത്തിന്റെയും ആരോഗ്യ പ്രവർത്തകരുടെയും നിർദേശ പ്രകാരം സന്നദ്ധ പ്രവർത്തകർ മറവു ചെയ്തു.

നീർച്ചാലിൽ യുവാവിനെ അയൽവാസി വെട്ടി പരിക്കേൽപിച്ചു.വെള്ളിയാഴ്ച വൈകീട്ടാണ് സംഭവം. നീർച്ചാൽ കടമ്പള ലക്ഷംവീട് കോളനിയിൽ താമസിക്കുന്ന അബ്ദുൽ കരീമി (35) നാണ് അയൽവാസിയുടെ വെട്ടേറ്റത്. അയൽവാസിയായ രാമകൃഷ്ണ ഷെട്ടിയാണ്വെട്ടിപ്പരിക്കേൽപ്പിച്ചത്. കുട്ടികൾ കളിക്കുന്നതിനിടയിൽ പന്ത് അയൽവാസിയുടെ വീട്ടു വളപ്പിൽ പോയത് കുട്ടികൾക്കു തിരിച്ചു കൊടുക്കാത്തത് ചോദ്യം ചെയ്യാൻ പോയ അയൽവാസിയെ ആണ് വെട്ടിപ്പരിക്കേല്പിച്ചത്. കൈപ്പത്തിക്ക് വെട്ടേറ്റ് തൂങ്ങിയ നിലയിൽ യുവാവിനെ ഇ കെ നായനാർ ആശുപത്രിയിൽ പ്രവേശിപ്പിച്ചു.

ആലപ്പുഴയിൽ വെറും 52 രൂപയുടെ റേഷൻ സാധനങ്ങൾ വാങ്ങാൻ പുറത്തിറങ്ങിയ ആൾക്ക് പൊലീസ് 250 രൂപ പിഴ ചുമത്തി. സർക്കാർ വക കിറ്റ് വാങ്ങാൻ പോയതാണ്. കിറ്റ് ഇല്ലാതിരുന്നതിനാൽ റേഷൻ അരിയും വാങ്ങി വരുവഴിയാണ് പിഴ. റേഷൻ കാർഡ് കാണിച്ചു, വാങ്ങിയസാധനങ്ങൾ കാണിച്ചു എന്നിട്ടും പൊലീസ് അലിവുകാണിച്ചില്ല എന്ന് പ്രേംകുമാർ പറഞ്ഞതായാണ് റിപ്പോർട്ട്